DERI NË MUZG… nga Nikolle Loka

Nikolle Loka

DERI NË MUZG…

Po të më shfaqesh
si e nesërme,
do të bëhem e sotmja 
që të ndjek
nga pas…
Të shoh nga larg
e të ngatërroj në mes rrezesh,
deri në muzgun e pafat.

Në muzgun tim
je mëngjes i bukur,
edhe kur terri nxin
e të djeg.
Të shoh nga afër
e të ngatërroj në mes rrezesh,
deri në muzgun e pafat.

ME DASHTË

Me dashtë
ndjenjat sipërore
të nji mjesi që zgjohet, 
mendimet e hyjnizueme
të mbramjeve n’amshim,
me dashtë naltësitë prore,
lindjet dhe perëndimet
prej mbramjes në agim.

Me dashtë
mendimin ndjenjë,
deri sa të shuhet,
me ndje pa mendue.

No Comments Yet

Leave a Reply

Your email address will not be published.