JANI RICOS nga Aleks Çaci

Aleks Çaçi


AGIM 

…Prapa maleve
është një qytet i bardhë me grila të
të gjëlbërta driraresh ,
është zhurma e shumë kamionëve ,
që mbartin proletarë dhe thasë me dritë,
që mbartin thasë me çimento dhe
shtylla elektrike ,
janë shumë.gra ,
që qepin në shëshin e sipërm
një flamur të madh ,
janë dritaret e lagjes ,
që përshëndesin rrugët .

U gdhi ,
Një mace lot në arë
me limonin e shtrydhur të hënës .
Jo , nuk jemi të lodhur .
Nuk kemi etje .
Ndërruam këmishën e kaltër
të mëngjesit .
U rruam .Ku do të shkojmë?

Prapa maleve është qyteti i bardhë,
janë gratë , që qepin një flamur
të madh.

Mirëmëngjes!
Angaria fillon..

FRAGMENT NGA BALADA E DYTË

E , nëna plaka, ç’i shijuam jetës ?
A mos u ngopëm me bukë të zezë?
Dhe kafenë e përziem me grurë
dhe me qiqra
dhe grurin me misër
dhe misrin me farë fshese ,
pastaj as misër as farë fshese
as kafe as bukë ,
vetëm thika në stomak dhe në zemër
sikleti dhe etja në gurmaz
dhe thika në kockë ,
e , plaka , plaka ,
dhe të kalojnë zonjat në karrocat e tyre
dhe të t’i mbushin me pluhur dhe
dhe me benzinë
dhe të kalojnë zotërinjtë të rruar dhe
të veshur shik
dhe borgjezët me barqet e tyre të fryra
dhe djemtë tanë të jenë pa bukë
në krishtlindje , në vit të Ri , në Pashkët,
dhe furrat të kundërmojnë me
qingja të pjekur,

kurabie , simite ,
dhe ne , e, plaka , plaka , ne dhe
djemtë tanë ,
mos morrëm pak frymë mbremjeve
të pranverës në oborr?

No Comments Yet

Leave a Reply

Your email address will not be published.