JEMI KREJT NDRYSHE nga Delo Isufi Seraj

Delo Isufi Seraj

JEMI KREJT NDRYSHE

Kur më thonë që e dashura jote,
Me një tjetër ka rënë në dashuri,
Mendoj që bukuria e kësaj bote,
Eshtë ndryshimi që ka çdo njeri.

Të dy jemi ndryshe, krejt ndryshe,
Në mendje, fytyrë dhe në shtat,
Si mik ta them, pa mëdyshje,
Nuk të urrej, atë s’e kam inat.

Paçka se kravatën s’di ta lidhë,
Pantallonet hekur s’i kanë parë,
Sapuni harron t’i shkoj në fytyrë,
Këmishën e hekuros pa e larë.

Kur e shoh që të pret në rrugë,
Gjithë femrat i përpinë me sy,
Të them të drejtën më vjen turp,
Ngurroj që të takohem me Ty.

Jemi miq, të flas padrojtje,
Kafe të shtunave, me Ty do pi,
Të njoh mire, nuk është shija jote,
Por Ti, si e pranove shijen e atij ?

Vërtet që paret ai i derdh lumë,
Dhe libra kurrë nuk ka lexuar,
Unë dhe ai ndryshojmë shumë,
Ndoshta dhe Ti ke ndryshuar !?

Nuk jam xheloz dhe as cinik,
Por marrëzia jote më habiti,
Një vajzë si Ti me kaq sqimë,
Të bëhet shtrat i një fëlliqi.

Ti mbetesh e mirë, prap e mirë,
Dashurinë time unë nuk e shes,
Por ai më duket tepër i pështirë,
Tek femra dhe dreqi paska pjesë.

No Comments Yet

Leave a Reply

Your email address will not be published.