JETË… nga Sulejman Mato

Sulejman Mato

JETË…

Jetë e vështirë
Jetë e vështirë!…- tha njeriu.
Jo.- tha zogu,
Jo.- tha qeni,
Jo.- tha miu.

Jetë e vështirë është jona,-tha zogu,
Gjithmonë në fluturim
duke kërkuar ushqim.

Jetë të vështirë kemi ne.-tha qeni,
Jetë qeni.Pa kuptim.
Në shërbimin tënd ,o njeri,
gjer në vetëmohim.

Jetë e vështirë është jona,
-përsëriti njeriu.

Jo.-iu përgjigj miu.
-Jeta jonë na shkon nëpër kanale
të errëta e plot lagështirë
ndërsa ti o njeri,jeton si zotni,
në apartamentet e ngrohta, plot ushqime dhe dritë.
si Zot e Perëndi…

Kaq tha miu,dhe u fut në vrimën e tij
duke qarë me lot
e duke u lutur siç lutet njeriu:
“Bukën e përditshme epna o Zot.”

No Comments Yet

Leave a Reply

Your email address will not be published.