ME SYTË TU NISËM NGA FILLIMI nga Bedri Halimi

Bedri Halimi

ME SYTË TU NISËM NGA FILLIMI

Ditët pa ty
Ditë të djegura
Minuta dëshprimi
Kur s’kuptojmë asgjë
Rizbulojmë veten

Te njëri – tjetri
Mesazh të çuditshëm japim
Me vargjet e pasmesnatës
Do dale diç e madhe

As kur thyhet hëna
Mos u shaj me mua
Udhëtarin e plagosur
Me vrimën e kujtesës

Rebelja ime
Këndojmë këngën e hidhur me refren
Gjejmë zogun e fshehur
Në pagjumësi

Pa pendim të vonuar
Shohim të panjohurën
Te njëri – tjetri
Që ndrit si borë e virgjër

Me sytë e tu nisëm nga fillimi
Sytë e tu
Çaste qetësie
Mes lodhjes e mërzisë

Jo vetëm sot
Kërkojmë përgjigje
Në atë që na mungon
Në udhëtimin e mrekullisë

No Comments Yet

Leave a Reply

Your email address will not be published.