SA dO TË DOJA nga DELO ISUFI SERAJ

delo Isufi Seraj

DO TË DOJA

Sa do doja ta kisha dhe një djalë,
Ndoshta ai nuk do më bindej mua,
Kur gabonte, s’do thoshte : Më fal.
Nuk do thoshte: Baba, sa të dua.

Por sa herë ai të gjente kohë të lire, 
Mua babën për kafe do më ftonte,
Do llafoseshim gjatë si babë e bir,
Dhe dorën fort do ma shtërngonte.

Do ndreqte çatinë kur të pikonte,
Do më ndihmonte për çdo gjë tjetër,
Patjetër qe edhe do më ngacmonte,
“Sa mbrapa jeni ju brezi i vjetër”.

Sa do doja edhe unë ta kisha një bir,
Ai do më gjendej në ditë të vështirë.

No Comments Yet

Leave a Reply

Your email address will not be published.