TË BISEDOSH ME VETVETËN nga Rexhep Hasani

Rexhep Hasani

TË BISEDOSH ME VETVETËN

Sa e bukur do të ishte
Të flasësh çdo ditë
Me lulet dhe fijet barit
Do të ishte e mrekullueshme
Të flasësh sa më shpesh
Që të jetë e mundur
Me zogjtë në lisa
Të bisedosh me bjeshkën
Të bisedosh me detin
Të flasësh me tokën
Të flasësh me hapësirat qiellore
Të flasësh me gjethet
Pranë krojeve afër burimeve
Të flasësh me malin
Që u jep frymë mëngjeseve
Që i jep pamje përmallimi shpirtit
Që i jep ditës pamje të ndjeshme shpirtërore
Sa mirë do të ishte
Që në orët e fjalës më të bukur
Që në orët e fjalës më të lartë
Të bisedosh me qiellin
E dashurisë në zemer
Të bisedosh me ëmbelsinë
E mjaltit në hojet e fjalës
Të bisedosh me vetvetën
Që të arrihet përherë
Përmirësimi i hapave të hedhur
Të bisedosh me Dhënsin e jetës
Të bisedosh në vazhdimisi e pa pushim
Me trokitësin ndriçues udhëve të ngjitjës qiellore
Për ta shtuar sa më shumë njohjen që vjen prej njohjes
Për ta shtuar sa më shumë dashurinë në retinën e jetës
Për ta zmadhuar dhe zgjeruar horizontin e dritës në zemër …

No Comments Yet

Leave a Reply

Your email address will not be published.