TEK SHESHI “SHTRAUS” nga Lida Laze

Lida Laze

TEK SHESHI “SHTRAUS”

Nden kumbullat e kuqe
ne ndenjesen e drunjte 
qante nje burre

Ne ndenjesen perbri
nje shok i tij
plagen e hapur 
nga renia e lire e nje petaleje
lante me lot.

Pakëz me tej
një tjetër burrë
monedhën e vetme
ngjitur si ne tutkall 
ne astarin e xhepit
se nxirrte dot.

Me tej një tjetër
pastaj një tjetër
dhe një tjetër….

Te ndenjësja e fundit
Bukowski i dehur
mërmëriste si papagalli
“Ku ka burra sot…!?”

VETES

Palosi me kujdes flatrat e ëndrrës
vendosi në raftin e veshjeve të gjumit
dhe mbath këpucët me taban të mençur
qe ecin rrafsh me shpinën e tokës.

Kur jashtë të dalësh
puthiti mire dyer, grila e dritare.

Mos i beso ligjëratës së gjatë të shitësit,
por bliji frutat me krimb brenda,
ai dëshmon për torfën e kopshtit 
dhe ndershmërinë e kopshtarit.

Kujdes me bukën
kujdes me verën
kujdes me ujin
kujdes me miqtë
kujdes kujt puthje i dërgon
me te devotshmit për dashuri
janë qeni i komshiut 
dhe macja e shtëpisë.

Kujdes vetja ime e dashur me dritën
sidomos me dritën
se pasi ka verbuar veten
vishet me fjale
që shkëlqejnë nga përdorimi i tepërt
të hyn nga ndonjë e plasaritur e fasadës
dhe te verbon.

Kujdes e dashur me cilësinë
me cilësinë e dritës sidomos.

No Comments Yet

Leave a Reply

Your email address will not be published.