Trishtim nga xhelal Ademi

Xhelal Ademi
Trishtim
Kur rrugë rrebele na ra në mes
Më humbe nëpër sy,
Tani gjithë varkat në breg po pres
Por nuk të sjellin ty.
Dhe netët vinë, sa mot i ngrirë 
Ky akull qenka trashur,
Të rri a nisem, ç`më bjen më mirë
S`e di ç`të bëj e dashur.
Mos vallë një lum të ec ndër deje
Në vend të t`kuqit gjak,
Të gjitha udhët t`i nis drejt teje
Njëqind më duken pak.
Sepse ti s`flet, as çon një letër
Po ku je strukur vallë,
Do merrja frymë se jo gjë tjetër
Kur t`ndjej që rron e gjallë...
No Comments Yet

Leave a Reply

Your email address will not be published.